Estacións de paso
De hoxe en oito días chegará a primavera. Pero antes virá o verán para esquecer coa calor de agosto. Despois terei o outono para que os airiños de novembro leven todo o que queda de ti dentro de min. Antes do final desta semana, chegará o inverno e a neve acumulada darame unha nova paisaxe poboada de formas prometedoras.
E o oitavo día, por fin, chegará a primavera con flores novas e horizontes aínda por escribir.
