CERTAME LITERARIO EXERIA
MODALIDADE POESÍA
Finalista
ADELA PINTADO
O Tabú
Graffiti de Lupita Hard
Teño unha cona preciosa
mais hai quen sen tela
síntese muller tamén.
Teño unha cona mandona
que rebelde din que é
mais ela non ten dono nin dona
e non infrinxe regra nin lei.
Teño unha cona teimuda
que manda máis cá min
mais ás veces é temerosa
porque a poden facer sufrir.
Teño unha cona famosa
por Vigo a podedes ver
pintouna Lupita Hard
con mensaxes para ler.
Reivindica a igualdade
visibiliza á muller
con textos que dan folgos
para nós non decaer.
Esta sociedade machista
que aínda é patrialcal
precisa dun cambio
e os tabús eliminar.
