CERTAME LITERARIO EXERIA
MODALIDADE MICRORRELATO
Finalista
ANDREIA COSTAS
Dous vellos con boina negra
Mural. Mon Devane
J: Ei Manolo, bebes que nin Dios! Aínda che dura o barrantes?
M: Díxolle a sartén ó cazo! Seica tes ghana de leria José.
J: Tixola Manolo, tixola, non se di sartén.
M: Ós meus anos sei quen a ten ó mando. Porén non cambio o meu castrapo, pero ti sempre fuches máis de: “chámame gholondrina en bótame trigho”
J: Anduriña Manolo, anduriña.
M: A min non me chames así, que a diferencia de ti sempre tiven andares ghallardos.
J: Mira que estás bravo hoxe...
M: Sempre fun home de ben: leiras, ghando e fillos.
J: Pois disque ías co cura de San Andrés, logho da misa dos dominghos.
M: Non, eu visitaba a sacristía.
J: E logo, confesabas?
M: Non, comprobar quería, que vestía debaixo da sotana.
J: Seica era unha enagua?
M: Non, era a mortalla da miña tía María, con encaixe de Camariñas.
Esta conversa saía dunha parede medianeira, cunha gorxa ronca de morteiro e ladrillo, ou moito consumo alcohólico. A confesión acontecen o pasar a media noite, logo de baleirar o whisky escribindo informes, moito despois do toque de queda; pero eu son policía.