Amosando publicacións coa etiqueta PensarACidade. Amosar todas as publicacións
Amosando publicacións coa etiqueta PensarACidade. Amosar todas as publicacións

Saída arquitectónica por Vigo: O Ensanche en conserva

Ateneo Atlántico e Estudio 04 Arquitectos

Ensanche en conserva
Os estilos arquitectónicos
Andaina arquitectónica polas rúas de Vigo
Con Nacho Hortas
Mércores 16 de xuño, 19 horas
Duración aproximada 2 horas
25 prazas
Inscrición previa obrigatoria

INSCRICIÓN PECHADA

TODAS AS PRAZAS CUBERTAS

Vivenda, afectividade e saúde

cinemAteneo
Vivenda, afectividade e saúde
Xosé Manuel Souto González
Zulmira Aurea Cruz Bomfim
Ramón Viéitez Rodríguez
Modera Anabel Mariño Bahamonde
Película: Playtime, de Jacques Tati

O cinemAteneo, a sección de cine do Ateneo Atlántico, viuse na obriga de paralizar a súa habitual programación a causa da situación tan complexa que estamos a vivir. Mais, malia que con outro formato, retomamos o camiño.

Con ese propósito, o próximo xoves, 17 de decembro ás 18,30h. organizamos un encontro telemático no que reflexionaremos sobre os condicionamentos do noso hábitat / habitación no que atinxe ao benestar e á sempre procurada felicidade. O título do acto é : “Vivenda, afectividade e saúde”.

Playtime

A película que, desta xeira, pretendemos sirva de motivación, introdución e fío condutor do interesante tema que se vai debater é “Playtime” do xenial Jacques Tati, polo tanto, recomendamos que todos os asistentes ao acto a teñan visto previamente.
Pódese ver, entre outras, nas seguintes canles:

  • Vimeo, acceso de balde en versión orixinal sen subtítulos:
    https://vimeo.com/groups/584975/videos/332454159

  • Filmin, plataforma de cine independente
    (aluguer 72h por 1,95€).

  • Amazon Prime Video
    acceso libre a clientes Prime.

  • Outras plataformas populares de xeito gratuíto.

 Playtime, como toda a filmografía de Tati, amosa o transcurso do tempo e tamén a evolución da sociedade, manifestándose ámbalas dúas na simboloxía transformadora que vincula a arquitectura cos cambios sociais e as relacións persoais, coa vinculación afectiva e a percepción do contorno ou, dito doutro xeito, como o contorno da habitabilidade modifica vínculos e afectos nas persoas.

Se a primeira película de Tati, desenvólvese nun contorno rural, a seguinte xa contempla un enclave turístico; posteriormente, en “O meu tío” representa o contraste entre un barrio tradicional y una moderna zona residencial, na que coincide a destrución do barrio e a marcha do protagonista no avión a outro lugar por motivos de traballo. Tati va retratando así os cambios que se producen no contorno da habitabilidade á vez que muda o xeito de vida e os hábitos das persoas.

En Playtime desaparece a Francia tradicional e a escena sitúase nun moderno aeroporto que, de entrada, podería ser calquera cousa, pero que iremos identificando conforme se escoita o anuncio da chegada do próximo voo. Esa escena, en principio inocua, reflectirá certa estrañeza e, a partir de aí, nos irá sorprendendo coa sensación de que todo é impersoal, frío, desconcertante, onde todo semella abstracto.

É o retrato da Francia da posguerra e dos cambios sociais que parecen diluílo todo. A uniformidade dificulta a orientación e as relacións sociais vólvense confusas e difíciles; cada persoa vaga a toda présa nesa maraña cun propósito distinto.

A apoteose que brinda a escena final ben podería darse nalgunha situación actual en calquera outro lugar.

En definitiva, o obxecto da película non é outro que insinuar como o contorno condiciona as nosas vivencias e inflúe profundamente nas nosas emocións, no comportamento e na saúde, tanto mental como física.

Como dicía Espinosa, a calidade democrática dunha cidade non pasa polo criterio de lexitimidade ou ilexitimidade do poder, se non que se define polos afectos que a cidade provoca nas persoas.

 Se ben utilizaremos a película de Tati como referente, hai outras moitas que poden ilustrar o tema do debate. Algunhas destas obras recomendables sobre o tema a tratar son:

  • Documental “La Escala Humana”, na web de TVE.

  • Documental “En Construcción” (2001), dirixido por José Luis Guerín.

  • La mujer de la Arena (1964), dirixida por Hiroshi Teshigahara, sobre a vivenda confinada.

  • La estrategia del Caracol (1993), dirixida por Sergio Cabrera.

  • El pisito (1959), dirixida por Marco Ferreri.

Vivenda, afectividade e saúde

Para ilustrarmos sobre os diversos aspectos que inciden en algo tan importante coma as condicións de habitabilidade nos acompañarán no acto, que titulamos Vivenda, afectividade e saúde: Xosé Manuel Souto González, doutor en xeografía e historia, especialista sobre territorio e urbanismo; Zulmira Aurea Cruz Bomfim, doutora en psicoloxía social e especialista en psicoloxía, ambiental e social. Ramón Viéitez Rodríguez, arquitecto entregado ao coidado do patrimonio arquitectónico de Vigo. Actuará como moderadora, en representación do Ateneo Atlántico, Anabel Mariño Baamonde.

Para acceder ao acto telemático utilizaremos a plataforma Jitsi Meet a través do seguinte enlace:

https://meet.jit.si/PresentAddressesPlaceWhere

Ademais das opinións que se manifesten respecto do argumento da película, teremos a oportunidade de reflexionar sobre numerosos e variados temas.

  • A planificación urbanística e o deseño interior das vivendas
    • Que planificación urbanística precisamos?
    • Insuficiencias máis habituais na estrutura das vivendas; son doadas de superar?: localización, servizos, sostibilidade, xestión dos residuos...
    • Caducidade e/ou transformacións dos modelos... véxase Barrio de Coia.
  • Pero sobre todo como esas planificación e deseño impactan:
    • Na saúde, cales son as consecuencias na saúde física e mental dos moradores.
    • Na construción social:
      • É posible acadar o dereito humano e constitucional dunha vivenda digna universal?
    • Distribución dos espazos públicos – privados / comúns – individualizados.
    • É posible unha estrutura vivencial que contemple a superación de illamento e/ou abandono das persoas maiores e dependentes?
  • Todo isto sen desatender deteminados aspectos de gran influencia como:
    • Aspectos xeográficos e demográficos.
    • Éxodo rural – cidade – rural... inevitable ?, desexable?, compatible?, necesario?
    • Superpoboación, un problema real?
    • Derivadas económicas:
      • Alugamento versus propiedade.
    • Espazos urbanizados  coas mellores  premisas, implican necesariamente incremento de status social, incremento do valor, expulsión das rendas máis baixas?
    • As poboacións demasiado pequenas, poden acadar a masa crítica necesaria para xerar servizos básicos desexables? Como educación, sanidade, emprego, cultura/ocio, dependentes...
    • Cascos vellos, históricos..., inevitable a súa transformación en parques temáticos non residenciais?
    • Axentes activos no cambio, o rol das administracións, comunidades de montes... na transformación da paisaxe.

E en xeral... mellorarían as expectativas se a cidadanía fose educada, ética e esteticamente, na importancia dos espazos vivenciais cara o seu benestar físico e emocional?

Os nosos invitados

Para debater sobre os aspectos mencionados contamos coa presenza de tres convidados de especial relevancia.

Xosé Manuel Souto González

 Xosé Manuel Souto 

Nado en Vigo, é doutor en Xeografía e Historia pola Universidade de Santiago de Compostela, profesor titular da Universitat de València (Didáctica das ciencias sociais) e catedrático de Xeografía e Historia de Ensino Secundario.
A súa tese de doutoramento titúlase Desartellamento social e caos urbanístico. Vigo, 1960-1980.
É membro do Instituto de Estudos Galegos Padre Sarmiento e membro fundador do Instituto de Estudos Vigueses.
Foi asesor de formación permanente do profesorado e profesor colaborador de formación inicial nas Universidades de Alacant e Valencia.
Dirixiu os Estudos Estratéxicos do Eixo Atlántico e o Consejo Directivo del Geoforo Iberoamericano de Educación.
Os seus intereses céntranse na didáctica da xeografía e na ordenación do territorio e urbanismo na euro rexión do noroeste peninsular.
Codirector de teses doutorais sobre ensino da xeografía, acuicultura e ordenación do medio nas Rías Baixas, ten dirixindo memorias de licenciatura sobre as mesmas temáticas.
Relator en diversos congresos internacionais sobre educación e xeografía forma parte de Consellos de Redacción e asesor de diferentes revistas universitarias e internacionais.
Coordina o proxecto educativo Gea-Clío, no campo da formación do profesorado e investigación educativa.
Forma parte de diversos movementos sociais e culturais de Valencia e Galicia, sempre disposto a colaborar desinteresadamente na difusión do coñecemento crítico para mellorar as condicións sociais.
Entre as súas publicacións cómpre subliñar:

        Vigo. Cen anos de historia urbana (1880-1980), Xerais, 1990.
        O Val Miñor, entre as transformacións rurais e as innovacións urbanas
, 1991.
        Vigo: proxecto e realidade do medio periurbano
, 1994.
        As parroquias
, 1995.
        Vivendas e cidades,
1997
        Planeamento estratéxico e mercadotecnica territorial
, 2001

Zulmira Aurea Cruz Bomfim

 Zulmira Cruz 

Licenciada en Psicoloxía pola Universidade Federal de Ceará (1985), Maestrazgo en Psicoloxía pola Universidade de Brasilia (1990) e Doutora en Psicoloxía Social pola Pontificia Universidade Católica de São Paulo (2003)
Investigadora da Universidade de Barcelona no Espazo Público e Rexeneración Urbana (2001) e Postdoutorado na Universidade de A Coruña (2011)... e, así ate un total de 26 titulacións.
Como Profesora Titular do Programa de Posgrado en Psicoloxía da Universidade Federal de Ceará, desenvolveu a investigación sobre a líña de vulnerabilidade social e procesos psicosociais.
Traballa nas áreas de Psicoloxía, Ambiental e Social, actuando principalmente nos seguientes temas: Cidade, mapas afectivos e comportamentos proambientais, vulnerabilidade socioambiental e xuventude.
Participou en innumerables congresos e eventos científicos. Autora de diversos libros sobre a psicoloxía social e a afectividade publicou ducias de artigos en diferentes revistas universitarias de diversos paises.

Ramón Viéitez Rodríguez

 Ramón Viéitez Rodríguez 

Ramón Viéitez Rodríguez é arquitecto pola ETSA de A Coruña e ten o Mestrazgo en rehabilitación e renovación urbana pola Universidade de Santiago de Compostela. Na Escola Galega de Administracións Públicas superou o «Curso de arquitectos ao servizo da administración». É perito xudicial inmobiliario pola Universidade Politécnica de Cataluña.
Impartiu tres obradoiros creativos de arquitectura para menores no Centro Galego de Arte Contemporánea de Santiago de Compostela.
Xunto con Alberto Cebral e Iria Rivas fundou o estudo de arquitectura e consultora técnica Arquétipos!, construíndo obras en diversas tipoloxías.
Co-promotor do Espacio Nido, un local para o traballo colaborativo, dende o que se desenvolven múltiples eventos culturais, situado na rúa Ferrería do Casco Vello de Vigo.
Coautor e editor dos libros da colección: "N550 da estrada á rúa", proxecto editorial de 6 volumes que pretende estudar o fenómeno da cidade difusa galega e que pode atoparse en librerías como Versus. Dito proxecto ten o propósito de indagar sobre a cidade que se espalla inexorablemente por grande parte da xeografía, esa urbe que algúns teóricos coinciden en cualificar de difusa, outros de fragmentada e incluso algúns de global.
Partícipe da fundación da Asociación do Barrio Alto do Casco Vello de Vigo que aposta pola integración social entre novos e vellos convivintes nun contexto dun barrio en proceso de transformación.
Froito deste compromiso promove a web multimedia “Fairúa” (www.fairua.com) para a posta en valor do patrimonio material e inmaterial, fomentando a cohesión social e promovendo o turismo responsable no citado barrio.

Saída polo Vigo Industrial

Polos camiños de Vigo
Paseo industrial: Museo ANFACO e as industrias da Beiramar
Con Mariña López
Sábado 15 de febreiro
Punto de reunión: Reitorado do Areal
Hora:10:00h

Coa finalidade de promover o coñecemento e sensibilización da paisaxe urbana e industrial de Vigo, o Ateneo organiza unha nova etapa das nosas andainas 'Polos camiños de Vigo'.
Será o  próximo 15 de febreiro as 10:00 horas e consistirá nun recorrido guiado polo descoñecido Museo ANFACO e pola avenida de Beiramar desde a praza da Industria Conserveira ata o barrio de Bouzas.
A nosa guía será Mariña López Rodríguez, Licenciada en Historia, especializada en patrimonio industrial; actualmente desenvolve o seu labor como directora do Museo da conserva de ANFAC

PROCEDEMENTO E PRAZOS DE INSCRICION:

O xoves 6 de Febreiro ás 20:00h activarase o link ao formulario de inscrición:


A inscrición pecharase ao cubrise o cupo máximo de prazas: 50 persoas
O prezo fixado é de 2€ para Socios do Ateneo Atlántico e 5€ para non-socias. O pago realizarase en efectivo ao ingreso no autobús, e adícase exclusivamente ao seu alugamento.


Programa
- 10:00h. saída do bus desde o vello reitorado. Subida ao Campus e visita ao museo
- 12:00h. regreso a Vigo, e comenzo do percorrido dende á Praza da Industria Conserveira de Bouzas
Camiñando pola avenida de Beiramar, falaremos de La Artística (Talleres Alonarti); dos asteleiros de Hijos de J. Barreras, de Cardama e Armada; das fábricas de conservas Cerqueira e do edificio da Conserveira Ribas (hoxe sala Artika). E sobre todo do edificio da Conserveira de Bernardo Alfageme.
- 1400h. remate na Alameda de Bouzas e regreso en bus ata o reitorado

O Museo ANFACO (Asociación Nacional de Fabricantes de Conservas de Pescados) sitúase no campus de As Lagoas, da Universidade de Vigo. Trátase da única colección museística de carácter industrial da cidade e fala do nacemento e desenrolo da industria conserveira en Vigo e Galicia. 

Para completar a ollada industrial pasearemos polos lugares onde se atopan parte dos espazos industriais vigueses máis relevantes, dende a Praza da industria conserveira camiñaremos ata Alfageme, pasando pola Artística, Barreras, Cardama, etc., na procura dunha reflexión dos usos e reciclaxes habitacionais destes baleiros edificios; tentaremos dar pé, tamén, a un debate sobre a nosa identidade industrial como cidade, de como grandes edificios amolecen mentres diversas coleccións museísticas permanecen afastadas dos seus contextos.A historia de Vigo non se entende sen as industrias que a debuxaron ao longo do tempo, e  a concienciación sobre a valoración do noso Patrimonio Industrial é un dos alicerces da nosa identidade; a falta de apreciación sobre o "industrial" conduce á desaparición ou degradación dos espazos, dos arquivos, da tecnoloxía e, en última instancia dos procesos produtivos.



Mariña López Rodríguez
Mariña é licenciada en Historia pola USC e Máster en Xestión Cultural polo Instituto Universitario Ortega Y Gasset (Madrid).
Procedente do sector audiovisual e da arte contemporánea, na actualidade é directora do Museo ANFACO da industria conservera, posto desde o que leva doce anos traballando en prol do desenrolo da creación, xestión e divulgación da colección do Museo.
Na actualidade está a colaborar con José Ramón Iglesias Veiga e Xoan Carmona do Instituto de Estudos Vigueses no libro Alfageme unha fábrica con alma.
Algunhas das actividades desenvolvidas arredor do patrimonio industrial son:
  • “La colección del Museo ANFACO en el 115 aniversario de la Unión Conservera”, autora de la publicación sobre la colección del museo, 2019.
  • Direción e produción da ficha audiovisual do proxecto Sereas, As mulleres do mar, documental sobre o traballo das antigas traballadoras conserveiras para aa creación dun centro de documentación sobre a historia da pesca e a transformación de produtos do mar en clave de xénero.
  • Xestión para a adquisición e clasificación do arquivo empresarial de conservas Bernardo Alfageme, S.A., 2018.
  • Coordinadora e responsábel dos Plans Proxecta da Consellería de Educación da Xunta de Galicia: Memoria da Industria, Memoria do Mar, sobre patrimonio industrial do mar.
  • Comisaria, deseño do proxecto expositivo, documentación e direción técnica da exposición Vigo, a cidade que xurdiu da industria conserveira,Vigo,  Casa das Artes, Vigo.
  • Ponencias nas diferentes convocatorias das Xornadas divulgativas sobre o papel da muller no sector pesqueiro e conserveiro.
  • Organización de la colección museográfica del Museo ANFACO de la Industria Conservera y captación de piezas.
  • Xestión da Fundación, Museo e Arquivo ANFACO.
  • Comisariado e participacoón en diferentes exposicións da Galería Ad Hoc de Vigo.
  • Participación na creación da Fundación de Arte Contemporánea de Manolo Paz en Cambados.
  • Participación na fundación e desenvolvemento do Dvd Club Arte i Ensaio de Vigo.

A continuación deixamos uns enlaces que poder resultar de especial interese para documentarnos sobre a saída en concreto, e sobre o Vigo Industrial en xeral:

Sereas, as traballadoras do mar (Vídeo)


Proxecto Vigo Industrial

NONCOMMON - Patrimonio Industrial

Visita ás ruínas de Alfageme (Vídeo)

Proxecto fotográfico Memoria Industrial en Galicia, de Jose Chas

Intervencións de Arte Pública en Galicia

 Intervencións de arte pública en Galicia
Con Eva López Tarrío e Antón Castro
Presenta e modera Carlos Bernárdez
Xoves 17 outubro · 19:30h
Casa Galega da Cultura · Pz. da Princesa, 2

Este xoves día 17 de outubro invitamos á doutora Eva López Tarrio e ao catedrático e crítico Antón Castro, a unha palestra na Casa Galega da Cultura sobre o papel da arte pública nas nosas cidades.
A relación da obra de arte co espazo público pasou de estar ligada a unha imperiosa necesidade de significación, que ten que ver co carácter social que trae consigo o progreso e a proxección pública dos máis variados sentimentos, do século XIX, a constituír un problema no ámbitos das vangardas do século XX.

No momento actual a problemática urbana e a súa relación coa produción de arte pública segue a ser obxecto de debate. Quizais sexa conveniente lembrarmos que perdido o carácter conmemorativo, dominante até comezos do século pasado, aínda que presente posteriormente, o papel da arte no espazo público acaba por constituírse nun problema, non resolto totalmente no noso tempo.

  • Antón Castro é catedrático de Historia da arte na Facultade de Belas Artes da Universidade de Vigo, comisario de exposicións e crítico
  • Eva López Tarrío, doutora en Belas Artes, comisaria de exposicións e autora da tese ”Modelo integrado de Arte e Natureza”
  • Carlos Bernárdez é historiador da arte, comisario de exposicións e crítico
Entrada libre ata completar aforo (50 persoas)

Luces e Sombras: 30 anos de fotografía en Vigo

 
 Luces e Sombras: 30 anos de fotografía en Vigo
Unha charla coloquio con Manuel Sendón · Presenta Iria Vázquez
Martes 8 de Outubro · 20:00h
Auditorio do Instituto Politécnico de Vigo · r/ Conde de Torrecedeira 88

Tras o anuncio do Concello de Vigo de ceder á Deputación de Pontevedra o edificio que foi construído para ser o Centro de Fotografía, para albergar a sede desta institución, diferentes asociacións decidimos realizar unha charla coloquio sobre a situación da fotografía na cidade durante estes últimos 30 anos.

Segundo as declaracións oficiais o centro albergaría a colección fotográfica que xerou a Fotobienal de Vigo e o Arquivo Pacheco, que contén un século da historia da cidade. En 2015, coincidindo coa campaña das eleccións municipais, presentaron unha exposición, realizada sen ningún criterio, nunha sala do edificio, e dende aquela o edificio permaneceu pechado.

Estas novas deben levar a unha reflexión sobre o pasado, o presente e, sobre todo, o futuro dunha disciplina tan importante para a nosa cidade como é a fotográfia e o seu legado. Por iso, o Ateneo Atlántico, xunto á asociación profesional de artistas A Colectiva, e o Colectivo CAIN, convoca a tódolos colectivos fotográficos de Vigo, aos profesionais do medio, e a cidadanía de Vigo, a unha charla coloquio con Manuel Sendón, presentada pola artista Iria Vázquez, que se celebrará o vindeiro Martes 8 de outubro, ás 20:00h, no auditorio do Instituto Politécnico de Vigo, na rúa Conde de Torrecedeira.

Agardamos poder contar con vos.

Unha análise da cidade coa revista Luzes

Unha análise da cidade coa revista Luzes
Unha conversa con Suso Iglesias e Maria Xosé Porteiro
Librería Versus · r/ Venezuela 80
Luns, 20 de maio · 20:00h


No seu último número, a revista Luzes adicou un monográfico especial á analise dos retos das principais cidades de Galicia cara ás vindeiras eleccións municipais. A autora do artigo correspondente a Vigo foi a periodista Maria Xosé Porteiro, que centrou a súa analise nas infraestructuras da nosa cidade e nos retos da conectividade que supón a área metropolitana.

Por iso invitamos á propia Maria Xosé Porteiro e o periodista Suso Iglesias, a un coloquio arredor da idea de pensa-la cidade, nun debate sobre asuntos que deberían estar enriba da mesa nas eleccións do vindeiro día 26. É tamén unha forma de espallar e recoñecer a labor editorial e de periodismo independente e crítico que desenrola a revista Luzes dende o ano 2013, e que lles valeu o premio á súa labor editorial na pasada gala do Libro Galego.

O acto terá lugar na librería Versus, na rúa Venezuela 80, o luns 20 de maio ás 20:00h. con entrada libre ata completa-lo aforo.
  • Suso Iglesias Díaz, vigués, xornalista e membro do equipo editorial da revista Luzes. Traballou no Faro de Vigo, e foi creador do programa Xabarin da TVG, onde tamén exerceu como director.
  • Maria Xosé Porteiro é xornalista, escritora e política. Traballou en El Pueblo Gallego, La Voz de Galicia, Tiempo e El País. Foi concelleira en Vigo, parlamentaria galega, deputada no Congreso, membro das Asambleas Parlamentarias do Consello de Europa e da Unión Europea e delegada de Galicia no Exterior. Recentemente ten publicada a súa nova novela "Sándalo" (Galaxia, 2019)

Territorio e Paisaxe en Galicia

Territorio e Paisaxe en Galicia
Con Xose M. Souto e Augusto Pérez Alberti
Edificio Cambón · Rúa da Oliva 3
Xoves 25 de abril · 19:30h 

Este Xoves día 25, ás 19:30h, na sede do Parque Nacional das Illas Atlánticas - Edificio Cambón, nos xuntaremos con Xose Manuel Souto e Augusto Pérez Alberti para falar sobre Territorio e Paisaxe en Galicia.

A palestra é unha visión sobre a relación que teñen o territorio e a paisaxe galegas a distintas escalas. Dende elementos estructurais (relieve, clima, chan e auga) ou texturais (usos do chan, procesos de urbanización, manexo da auga), ata elementos máis abstractos como a percepción, a emoción ou a representación social dese mesmo territorio, e nos que todos eles en conxunto, serven para construir un denominado "espacio complexo".

Serán dúas conferencia dende dúas perspectivas distintas co territorio de Galicia como lugar común. A visión máis física, xeográfica e ligada a xeomorfoloxía de Augusto Pérez, complementarase coa visión máis perceptiva e enfocada na representación que nos ofrece Xose Manuel Souto. Con Augusto falaremos de "Elementos, dinámicas e tipos de paisaxe en Galicia", namentres que o título da palestra de Xose Manuel será "Lugar, espazo e territorio: emocións, representacións, identidades".

  • Xose M. Souto é Doutor en Xeografía ademáis de licenciado en Historia pola Universidade de Santiago de Compostela. É catedrático de Didactica das Ciencias Experimentais e Sociais na Universidade de Valencia, e ten unha ampla experiencia no ámbito educativo e na mellora da ensinanza.
  • Augusto Pérez Alberti é Catedrático de Xeografía Física da Universidad de Santiago de Compostela, e profesor invitados nas Universidades de Le Mans, Nantes, Neuquén e Quito. Ten participado en 25 proxectos de investigación e a súas principais liñas de busqueda son a Xeomorfoloxía glaciar e periglaciar, a Xeomorfoloxía costeira, a Paisaxe ou o Paleoclima.
Falamos de paisaxe?
 
Entrada libre ata completar aforo (80 persoas)

A fábrica Alfageme

A fábrica Alfageme: Un patrimonio industrial vigués
Liceo Marítimo de Bouzas · Avda. Eduardo Cabello, 8
Venres 12 abril · 20:00h

O Ateneo Atlántico, coa axuda do Liceo Marítimo de Bouzas, a Asociación Cultural Pertenza e o Colectivo Vigo Industrial, organiza este acto sobre ese icono do patrimonio industrial de Bouzas e de Vigo que é a Fábrica Alfageme, no propio salón de actos do Liceo o vindeiro venres 12 de Abril ás 20:00h.

A historia da Fábrica Alfageme na rúa Tomás Alonso, non é so a historia dun edificio. E tamén a historia da industría conserveira na nosa cidade e do seu desenrolo, e un exemplo da participación do patrimonio industrial na conformación urbanística da nosa cidade. E por suposto, a fábrica Alfageme representa tamén o relato dos centos de traballadores que acolleu ao longo da súa historia e a do propio barrio de Bouzas na que se sitúa.

O Patrimonio industrial non é so un patrimonio de edificios e espacios, de imaxes e fotografías, se non dunha forma de facer (os procesos produtivos, industriais e de xestión), de relacionarse (as labores sindicais, os beneficios sociais) e tamén da relación de esas xentes e procesos co seu entorno inmediato. A charla quere por en valor todos estes aspectos, e reflexionar sobre a importancia da preservación de este legado nun momento en que o edificio deseñado por Manuel Gómez Román afronta un futuro incerto.

O acto contará coas intervencións do profesor Xoan Carmona, e do historiador Moncho Iglesias, ademais da participación e moderación de Mariña López, historiadora no Museo ANFACO da Industria Conserveira. 

Proxectaranse imaxes inéditas da fábrica Alfageme.
Entrada libre ata completar aforo (110 persoas)

  • Xoan Carmona Badía (Vigo) é catedrático de Historia e Institucións Económicas na Universidade de Santiago de Compostela. É vocal no TICCIH – España (The International Committee for the Conservation of Industrial Heritage). Entre ás súas numerosas obras destaca “Las Familias de la Conserva” (2011) ou “Galicia Industrial (2012) 
  • Jose Ramón Iglesias Veiga (Sanguiñeda) é doutor en historia e membro do Instituto de Estudios Vigueses. Publicou xunto con Xaime Garrido os libros “Manuel Gómez Román, mestre da arquitectura galeguista” (1995) ou “Vigo, arquitectura urbana” (2007)
/*-----script funcionamento buscador cabeceira Minerva Aurora-----*/