NACE
O ATENEO ATLÁNTICO DE VIGO
Unha
proposta transversal, reflexiva e crítica sobre a cidade
Vigo,
2 de outubro de 2017.
Vigo
é a única grande cidade de Galicia que non ten un Ateneo, pero esta
carencia quedará superada a partir do próximo venres cando se
presentará publicamente o Ateneo Atlántico. Nace por iniciativa
dun grupo de persoas procedentes dun amplo abano profesional, social,
cultural e ideolóxico, para crear un espazo de promoción, impulso e
divulgación de temas relacionados con todas as áreas do
coñecemento.
O
presidente é o fotógrafo Anxo Cabada e entre os seus fundadores
figuran persoas vinculadas á cultura, como o escritor Manuel
Forcadela, a xornalista María Xosé Porteiro, ao sindicalismo, como
Emilio Fernández Zunzunegui, ao esino como Ana Fresco, Xosé Carlos
López Bernardez, Nacho Pérez, ou a investigación e dinamización
lingüistica como Marta Souto.
No
seu manifesto fundacional comprométense a favorecer a análise, o
debate e a investigación, desde un punto de vista plural,
independente e que resulte de proveito para as persoas interesadas en
calquera faceta do saber e comprometidas o desenvolvemento cultural.
A
presentación faráse no Museo de Arte Contemporánea, a partir das
19:30 h. do venres 6 de outubro, nun acto no que un grupo de membros
do Ateneo, acompañados de persoas representativas da cultura, da
ciencia e do patrimonio, explicarán o novo
proxecto que se abre á sociedade viguesa.
