Incendies.19.30horas

Cineforum do Ateneo Atlántico

O vindeiro 8 de novembro, mércores, a partir das 19.30 horas nos multicines Norte, iniciaremos a nosa actividade de cinefórum. Será coa proxección e debate arredor da película de D. Villenéuve, Incendies (Canadá, 2010), película que optou ao Óscar á mellor película de fala non inglesa na súa 83ª edición.

Incendies abre un ciclo arredor do título xenérico “O poder e o medo”. O coordinador da actividade, Emilio Zunzunegui, pensa que é imprescindible unha reflexión arredor da temática do ciclo e espera que sexa ben recibido na nosa cidade porque “hai unha ampla tradición de afección ao cine que fai pensar”, e porque “agora, máis ca nunca, precisamos de reflexionar colectivamente sobre cuestións que están a incidir sobre as nosas vidas e sobre o noso futuro”.

A partir desta primeira proxección, o cinefórum desenvolverase todos os segundos mércores de cada mes, tamén, nos multicines Norte, e seguindo o esquema tradicional de presentación, proxección dun filme de temática predeterminada, e coloquio posterior.

Incendies
Canadá, 2010

Director: Denis Villenéuve
Duración: 133 minutos
Inspirada na obra teatral do mesmo título (Incendies) escrita por Wajdi Mouawad, baseada á súa vez, na vida de Souha Bechara (activista da resistencia libanesa que, á idade de vinte anos, foi detida e recluída na prisión clandestina de Khiam polo intento de asasinato do xeneral Antoine Lahd do Exército do Sur do Líbano).
Protagonista: Lubna Azabal, Maxim Gaudette

Argumento: Montreal. Tralo pasamento da súa nai, Nawal Marwan, os xemelgos Jeanne e Simon reciben de mans do notario Jean Lebel dúas cartas. Unha, a primeira, deben entregala ao seu pai, do que non sabían nada e crían morto; a outra, a segunda, deben entregala ao seu irmán, que non sabían nin que existía. Comenza, para os dous xemelgos, unha longa busca detrás das súas orixes e do descubrimento de quen foi en realidade a súa nai.