Mulleres na Ciencia e na Tecnoloxía

Ateneo Atlántico
Universidade de Vigo
Escola de Enxeñaría de Telecomunicación
Mesa Redonda
Mulleres na Ciencia e na Tecnoloxía

Martes 24 de abril de 2018, ás 19.30, no Edificio Cambón (rúa Palma 4, Vigo)

O próximo 24 de abril, martes, o Ateneo Atlántico, en colaboración coa Escola de Enxeñaría  da Telecomunicación da Universidade de Vigo, e baixo o título xenérico, Vai Violeta, inicia un novo ciclo de mesas redondas para salientar o papel da muller galega no mundo da ciencia e da tecnoloxía.

Deste xeito, na primeira mesa, que leva por título Mulleres na Ciencia e na Tecnoloxía, cinco mulleres debaterán sobre a situación da muller na ciencia e na tecnoloxía, desde as perspectivas da academia, a industria e a enxeñaría. Achegarán datos obxectivos que reflictan a realidade, reflexionarán sobre as súas causas, consecuencias e estratexias de mellora, e achegarán experiencias persoais no seu desenvolvemento profesional.

As participantes na mesa, por orde alfabética, son:

• Beatriz Legerén Lago, profesora na Facultade de Comunicación e Ciencias Sociais da
  Universidade de Vigo.
• Edita de Lorenzo, Profesora titular do Departamento de Teoría do Sinal e Comunicacións da Universidade de Vigo.
• Berta Ruíz, enxeñeira responsable da Área de Instrumentación e Ensaios Eléctricos no Centro Tecnolóxico da Automoción de Galicia (CTAG).
• Soledad Torres Guijarro, profesora na Escola de Enxeñería de Telecomunicación da Universidade de Vigo.

Actuará como presentadora e moderador da mesa Ana Lahuerta.

Outros datos das participantes son

•   Beatriz Legerén Lago:
• Licenciada en Xeografía e Historia e Doutora en Comunicación Audiovisual pola Universidade de Vigo.
• Profesora na Facultade de Comunicación e Ciencias Sociais da Universidade de Vigo, onde imparte clase no itinerario de novos medios.
• A súa liña de traballo investigador céntrase no deseño de produtos de entretemento
  interactivo e o seu uso como ferramentas de traballo máis aló do uso lúdico. Entendendo
  deseño como a fase de concepción dun produto que necesita para a súa construción, regras, mecánicas, tecnoloxía e narración.
• Colabora como relatora e conferenciante en diferentes seminarios e cursos: Máster en VideoJuegos e Educación (Universidade de Valencia); Máster de Dirección de Arte Publicitaria (Universidade de Vigo); Máster en Xestión Produción Audiovisual (UDC).
• Con anterioridade foi xerente das empresas Interaccion, CIM (1997-2013) onde puido traballar coas principais marcas de Galicia, Inditex, Estrela Galicia, Pescanova, Caramelo…
• Ao longo da súa carreira profesional desempeñou diversos cargos en asociacións profesionais tanto do sector audiovisual como do sector Tic:
• Presidenta de Eganet (Asociación de empresas Galegas Adicadas a Internet e Novas Tecnoloxías 2.006-2.010).
• Presidenta do Clúster das empresas Tic de Galicia (2.008-2.010).
• Membro do Comité Estratéxico do Clúster Audiovisual de Galicia 2.006-2011.
• Membro do Comité Estratéxico e de Dirección do Clúster Tic de Galicia (2.010-2012)

• Edita de Lorenzo:
• Traballa na UVigo dende 1993, tras facelo na Universidade de Valladolid e de varias estadías na Northeastern University en Boston.
• Enxeñeira (1992) e Doutora (1997) en Enxeñaría de Telecomunicación pola UVigo.
• Na actualidade:
• Comisionada para o Vigo Tecnolóxico (2017.
• Profesora titular do Departamento de Teoría do Sinal e Comunicacións (1998)
• Con anterioridade:
• Directora da Escola de Enxeñaría de Telecomunicación (2009/15).
• Coordinadora Máster Enxeñaría de Telecomunicación (2015/17).
• Directora xeral de .GAL (2014/17).
• Cofundadora da sección española do WIE (Women in Engineering), cap. IEEE.
• É autora e coautora de artigos e publicacións científicas; ten participado en numerosos
  proxectos de investigación relacionados con sistemas de comunicacións.
• É revisora de varias revistas científicas, e colabora como avaliadora en comisións da ACSUG, da Axencia Estatal de Investigación e coa ANEP.
• Outras colaboracións:
  
  • Secretaria na Xunta Directiva da Asociación PuntoGal, 2017.
  • Vicedecana/Vicepresidenta do Colexio/Asociación de Enxeñeiros de Telecomunicación
  de Galicia, 2017.
  • Vogal (experta) da Unidade de Muller e Ciencia de Galicia, 2011.

• Berta Ruiz 
• Enxeñeira Superior Industrial (Universidade de Vigo) na especialidade de Automática e
  Electrónica Industrial, con PFC na Universität Siegen.
• Na actualidade enxeñeira de Test no Centro Tecnolóxico da Automoción de Galicia (CTAG), onde desenvolve a súa actividade dende o ano 2005o no sector da automoción en empresa de servizos tecnolóxicos, testing e I D i.
• Dende 2015, é a responsable do Área de Instrumentación e Ensaios Eléctricos. Participou en varios proxectos de I D i con financiamento público e privada, sendo a investigadora principal dalgún deles.
• É coautora de patente europea.

• Soledad Torres Guijarro
• Enxeñeira de Telecomunicación (Universidade Politécnica de Madrid - UPM, 1992) e doutora enxeñeira de Telecomunicación (UPM, 1996), especializada en Tratamento Dixital de Sinais.
• Na actualidade é profesora na Escola de Enxeñería de Telecomunicación da Universidade de Vigo
• Con anterioridade
• Profesora na Universidade Carlos III de Madrid, Universidade de Valladolid e Universidade Europea de Madrid
• Investigadora na Universidade Politécnica de Madrid e no Laboratorio Oficial de Metroloxía de Galicia.
• Os seus intereses como investigadora inclúen o procesado dixital de sinais de audio e acústicas e a acústica submarina. Tamén a promoción das vocacións científico técnicas femininas, e a incorporación da perspectiva de xénero na investigación.
• Actualmente é Enlace de Igualdade entre a escola de Enxeñaría de Telecomunicación e a Oficina de Igualdade da Universidade de Vigo, e tesoureira do nodo galego da Asociación de Mulleres Investigadoras e Tecnólogas (AMIT-Gal).

Sobre a Escola de Enxeñaría de Telecomunicación...
Representa, dende 1985, un referente na formación e na investigación en tecnoloxías da información e as comunicacións a nivel estatal. O seu compromiso coa excelencia vai máis aló do puramente académico, facendo un importante fincapé na formación global dos seus egresados, a nivel técnico pero non descoidando outra formación transversal. O equipo docente da Escola está formado por
mulleres e homes comprometidos coa súa adicación e preocupados porque as tecnoloxías sexan entendidas non só polo alumnado, senón tamén pola sociedade á que serven.