Precarización da vida en tempos de Covid
Todo cambia, para que todo siga igual?

Silvia Pérez Freire conversa con Amada Traba
Martes 16 de marzo, 19 horas
Online a través de Zoom

Con motivo da semana do 8M, o Ateneo Atlántico está a pór no centro da reflexión a especial repercusión que está a ter a crise do Covid no mundo da muller.

A semana pasada presentamos o vídeo co noso manifesto feminista de 2021, vídeo que xira, precisamente, arredor deste tema. Pódese ver premendo na imaxe.

Vídeo 8M 2021

Nesta mesma liña, o martes 16 de marzo, Silvia Pérez Freire conversará con Amada Traba arredor de Precarización da vida en tempos de Covid, Todo cambia, para que todo siga igual?

O acto será sen presenza física e retransmitido a través de Zoom.
No menú lateral temos un pequeno vídeo que explica como conectarse a Zoom para poder seguir o acto.

Para conectarse a Zoom hai que premer non enlace:

Conexión a Zoom para actividades do Ateneo Atlántico

 Unha vez dentro de Zoom hai que escribir o identificador da reunión e o código de acceso:

ID de reunión: 878 5625 5312
Código de acceso: 980443

De teres problemas coa conexión non dubides en consultar o vídeo explicativo:

Vídeo: Como unirse a Zoom

Silvia Pérez Freire é Doutora en Socioloxía especializada en Violencia de Xénero desde hai 17 anos.
A partir do ano 2007 imparte docencia na Universidade de Vigo e traballa como consultora científica.
Participou activamente en numerosos estudos e entre os que dirixiu atópanse: “Análise e diagnóstico da situación das mulleres vítimas de violencia de xénero cun trastorno  adictivo activo” (2017-2018) financiado pola Consellería de Sanidade (Xunta de Galicia) ou “Diagnóstico do hábitat e da convivencia igualitaria na cidade de Ourense” (Concello de Ourense, 2019).
Ten publicados 11 libros e unha vintena de artigos académicos vinculados á violencia de xénero. Entre os máis relevantes: o “Informe Estudo  exploratorio de trata de persoas en Galicia” (Xunta de Galicia, 2013) e a tese “ Victimización de trata sexual: imaxinarios e  invisibilización” (Ministerio de Presidencia, 2019), ambas de descarga gratuíta na internet

Amada Traba Díaz é Lincenciada en Socioloxía e Ciencias Políticas pola Universidade Complutense de Madrid (1981).
Dende o ano 1997 é profesora da Universidade de Vigo. Docente de Socioloxía da Educación na Facultade de Ciencias da Educación no Campus de Pontevedra nos graos de Educación Infantil e Primaria.
Leva 30 anos participando en numerosas e diversas actividades de formación en materia de igualdade e xénero: mestrados universitarios da Universidade de Vigo e da Coruña, cursos no CEFORE e na EGAP, elaboración de materiais didácticos e documentación para publicacións, así como participando en conferencias e coloquios dirixidos a todo tipo de público.
Relatora en moitos congresos e cursos en materia de igualdade e xénero organizados por universidades e por todo tipo de institucións públicas ou asociacións. Investigadora en proxectos da Cátedra Feminista da Universidade de Vigo.
Coautora da primeira Diagnose da igualdade na Universidade de Vigo e das bases para o deseño do I plan de Igualdade da Universidade de Vigo.
Colaboradora da Concellería da Muller do Concello de Vigo en varias ocasións coordinando a diagnose para o Primeiro Plan de Igualdade das Mulleres de Vigo, e elaborando o deseño e a avaliación do I Plan de Igualdade e, posteriormente, a avaliación de necesidades e deseño do II Plan. Tamén colaborou co Concello de Redondela realizando a avaliación do I Plan de Igualdade e a diagnose de necesidades e deseño do II plan.
Froito dese traballo ten diversas publicacións. A máis recente e coñecida é ám@me. Pensar o amor no século XXI, publicada por Galaxia e traducida para o castelán co título Amarte na Editorial La Catarata. Ensaio en coautoría con Chis Oliveira.

/*-----script funcionamento buscador cabeceira Minerva Aurora-----*/