O
Ateneo Atlántico súmase aos actos de celebración do centenario de Isaac Díaz Pardo (Santiago de Compostela, 1920 - A Coruña, 2012), personalidade
central no mundo cultural da Galicia do século XX. Díaz Pardo goza dunha ampla consideración artística e social e de unanimidade en torno á importancia
do seu labor a prol da cultura galega, situado como figura sobranceira da vida económica, social e creativa do noso país.
Homenaxe a Isaac Díaz Pardo
Presentación do libro Unha presa de dibuxos
Xoves 22 de abril, 19 horas, salón de actos do MARCO
Coa presenza de:
Xosé Ramón Pousa
Xosé Díaz Arias
Carlos Bernárdez
Modera: Marta Viana
O acto terá lugar o vindeiro xoves, 22 de abril, ás 19 horas, no Marco de Vigo.
Dada a situación pola que atravesamos, o local ten un aforo máximo de 33 persoas. Para facilitar e garantir un acceso totalmente seguro ao acto optamos pola modalidade de reserva previa de praza.
Dada a situación pola que atravesamos, o local ten un aforo máximo de 33 persoas. Para facilitar e garantir un acceso totalmente seguro ao acto optamos pola modalidade de reserva previa de praza.
O prazo para reserva de prazas abrirase o xoves15 de abril, ás 10 horas, e a través do enlace:
Para o acto contamos coa presenza de:
Xosé Ramón Pousa. Xornalista e profesor de comunicación audiovisual na USC
Xosé Díaz. Pintor e axente artístico, fillo de Isaac Díaz
Carlos Bernárdez. Licenciado Historia da Arte, comisario de exposicións, crítico, ensaísta e profesor.
Marta Viana. Licenciada en Historia da Arte, responsable de comunicación e
didáctica do MARCO, que actuará como moderadora.
Destacado artista, a actividade renacentista de Díaz Pardo ten outras múltiples facetas, entre elas o seu traballo como recuperador da memoria artística, industrial, política e intelectual de Galicia e como dinamizador dos grandes proxectos culturais e empresariais que tiveron unha vizosa plasmación no Laboratorio de Formas de Galicia, nas cerámicas do Castro e Sargadelos, en Ediciós do Castro e no Museo Carlos Maside. Todo un acervo que debe ser obxecto de análise en creativo diálogo co noso presente.
Como homenaxe ao artista presentamos a edición facsimilar, reeditada polo Ateneo de Santiago e a Deputación da Coruña, dunha das obras máis singulares do intelectual e artista, intitulada Unha presa de dibuxos
feitos por Isaac Díaz Pardo de xente do seu rueiro.
Trátase dun volume que combina o textual e o pictórico que foi impreso en Buenos Aires en 1956 nas Ediciós Arsnovos, unha cabeceira tras a que estaba a figura de Luís Seoane. Contén un tipo de tintas moi semellantes ás que se poden contemplar do artista na Pinacoteca Fernández del Riego da nosa cidade.
Trátase dun volume que combina o textual e o pictórico que foi impreso en Buenos Aires en 1956 nas Ediciós Arsnovos, unha cabeceira tras a que estaba a figura de Luís Seoane. Contén un tipo de tintas moi semellantes ás que se poden contemplar do artista na Pinacoteca Fernández del Riego da nosa cidade.
